Excerpt for الصُبح فى بلادى by , available in its entirety at Smashwords


عشان تِقدر

يا مُستثمر

وشُغلك كُلو براني

تهلب أد ماتقدر

يا لاعب كوره تتمخطر

يارقاصه ب تتغندر

يا إما مشخصاتي عويل

من اللي مواهبو تتقدر

في مسخ الجوخ وقول اكتر

يافاهم فيها باع عِلمو

وقال خُلصِت وح استحمر

عشان تقدر تعيش فى مصر

عشان تعرف تساير العصر

يا إما خلاص وتستحمل الآم الكسر

دا غير الهبد فى ضلوعك وغير العصر

وبرضو تئن وتدندن نشيد النصر

وتدي تحيه للساده ملوك ها لمصر

أسير حرب

مش محتاج انا منك حاجة

بس عا ملنى ك أسير حرب

تلات طقات ومكان فيه اريح

وتخف شوية من الضرب

جتتى ورمت احساسي بلد

وب ادعى عليك من جوا القلب

زى تعانى تجرب همى

تكون في مكانى أمين يارب

وتصبح لاجئ جوا بلادك

وان معايشك تصبح كرب

يجي لك ضغط يجي لك سكر

ويمكن تتسهل ب القلب

وما تلاقى حد يعاملك حتى

ك أسير حرب

المُهم الواسطه مين

مش مُهم ا نك ب تفهم

ومُش مهم إنك أمين

المُهم الواسطه أكتر

والأهم الواسطه مين ؟

ولو طريه أه يا بختك

ا تقبلت خلاص أمين

وقول لى عايز الشغل فين ؟

وافتكر سلم عليها

واحنا ح نبوس الإيدين

لما نتقابل ياسيدى

ايوة عارف ساكنة فين ؟

دى المدام الله أكبر

صيتها زايد حبتين

واحنا اكتر شئ نحبو

في البلد دى الموهوبين

والنبى تسلم عليها أم كل الموهبين

سيب لنا العنوان مش اكتر

والمرتب عايزو فين

عن طريق البنك ممكن

وعن طريق البوسطة طبعا

واللى احسن عند أم الموهبين

والنبى تسلم عليها

تبقى وتبوس الايدين

كلام

في بلدنا كل الارض

مزروعة ب كلام

زارعينو واما ب نعزقو

ب نعزق كلام

ولما نيجى نسمدو

ب يشبع كلام

وبنكا فحو برضو

م الآفات بكتير كلام

والضُهر لما نزورو

نر ميلو السلام

وبيبقى زاهي ومنتشى

وأخر تمام

من كتر شوقو ولهفتو

باعت السلام

ولما نبدأ نحصدو

بنلقاه كلام

ونلم فيه ونكومو

ف شونة كلام

وبيجى تاجر يشتريه

من غير بكام

تاخدوا المصانع

تغزلو نلقاه كلام

والباقي منو نصدروا

لبلاد كلام

في البحر تغرق شُحنتو

وخلص الكلام

الحكايه بهوقت

الحكايه بهوقت منك بجد

كُل يوم بتزيد غباوتك

كُل يوم فيه مُستجد

لم في دفاترك وولع

جايه لجنه وبُكرا جرد

لو جردنا ؟ح تبقى كارثه

ومُش ح ينفد منها حد

والحكايه بهوقت منك بجد

مُش ح ينفع نحنه ودباديب وورد

هوجة الأحلام ب تخلص

وانزل اسأل أي حد

محتاجين الأكل واكتر

محتاجين بطاطين واكتر

وانتا شايف أد ايه الدُنيا برد

الحكايه بهوقت منك بجد

والعصابه ح تخترعلك أي رد

سهله خالص فيه مؤامره

وكُلنا لازم نجابه

كُلنا لازم نرُد

روح وجابه انتا وحدك

واحنا مُش ناويين نُرد

احنا سيبنا الشورى ليكُم

والقياده لأي حد

ولما باديه خلاص تبهوق

وانتهت بتقولو رد

والحكايه خلاص بتخلص

بهوقت منك بجد

واحنا ح نقضيها فُرجه

حلها وحاول تسِد

زي ماعكيتها وحدك

فُكها وتدينا رد

سيساوي

وأي سيساوى يتفلسف

يقول لك بكرة تتعدل

شاور لو وقولو يامعرض

كفاك تعر يض

خربها وقال انا ديكها

وجفف في فراخها البيض

وحط النصبة ع الناصية

وقال لك خش ع التوريد

وصبح يلا على مصرك

وشخشخ وا ملا يلا الايد

وتستهبل يجيب اهلك

يوطوا يمصمصوا في الإيد

شخاره

معاك شخاره ولا اديك

تاخُد لك واحده وتشخر

ونام انتا أوي وارتاح

بدالك كُلنا نسهر

وقوم م النوم ونام تاني

ولايهمك وفيه أكتر

ولو تعبان بلاش تحلم

ح نحلم إحنا ونفسر

مُهم انك ماتتعبش

وتتفرغ كدا تشخر

أنا العربي

أنا العربي

أنا المصلوب على عَلَمي

وعلى حلمي

وعلى ألمي

على كُل الطُرق دمي

ولا خالي

ولا عمي

ولا قارئ

ولا أ ُمي

إلا وامتطى خيلي

دبحني واستباح دمي

أنا العربي

أنا البغدادي والحلبي

وانا اللي ف مصر متغمي

وانا اللي ف غزه زاد هَمي

على ما تفوقوا من نومكُم

ويوصلكُم صُراخ أ ُمي

وانا اللي عدني متحاصر

مابين فارسي

ومابين ذمي

زمان كان جدو بيصلي

وبيسبح وبيسمي

وانا العربي ف خليج العار

نسيت أهلي

نسيت دمي

أُغنيه وطنيه

يا ابو الدولار عشرين

وقلبتها معسكر

وماعادش فيه صالحين

الا قضا وعسكر

الرز في البتارين

ومنين اجيب سكر

يا ابو الدولار عشرين

وما عادتش بتمطر

واتجمعوا الفاسدين

في حضرة العسكر

وادى مصر اهى بتكبر


Purchase this book or download sample versions for your ebook reader.
(Pages 1-9 show above.)