Excerpt for كُل العساكر كدابين by , available in its entirety at Smashwords

كالعاده

كالعاده الريِح مَعَاند

وانتا ف تصميم لعين

تفتح فى كهوف قديمه

و تبعبش فى السنين

ذكرى ب تقتل وذكرى

ب تزود فى الحنين

ل عصور ولِت وراحت

وحنينك مُستَكين

مستني ف كُل لحظه

يبدأ سيل الحنين

واغزل تُنفُض ف غزلي

وتزيد فيا الآنين

والحلم الباقي ليا

ومتصبر بيه لحين

تنسى الأيام عنادها

والريح تبدأ تلين

نفسي ياقلبي تصالحني

أو تهدا ولو يومين

وتسيبك مرا منى

ومن جردك ل الخزين

وع الفاضي

وع الفاضي …..

ياعُمر وعدا واتبعزق

على الفاضي

ف كلام فاضي

ودُنيا طلعت انا منها

ب جيب فاضي

لاشعر يفيد ولا مغنى

ولاشادى

يفكر مره يوم يشدي

بكلام فاضي

يونسنى

ولو حتى بحكي فاضي

وأحاول فيا أقنعني

واكون راضى

ولو حتى الكلام يعنى

على الفاضي

مُجرد بس ب اشغلني

على الفاضي

بضحكه أو رتوش بسمه

وأقول عادي

ما انا طول عُمري عايشها

على الفاضي

ما اخد تش منها لو حتى

رغيف فاضي

يقيم أودي يقويني

على اورادي

وجهة نظر

وجهة نظر ؟

ي اللي انتا حاسب كُل شئ

وجهة نظر

فى حاجات كتير

صعب الضمير

يحسبها يوم وجهة نظر

مُش بس صعب دا مُستحيل

يقبلها يوم منك بشر

زي انكسارك ل الطغاه

ودوام عبادتك ل البقر

واللوم على اللي هتف ب لا

قام وانفجر

نادا بسقوط أوهام كتير

فِكر وبشر

أو نبِهَك

فَكَر جنابك ب المصير المُنتظر

وانتا ف غباك ك المُستجير

م الهم بال وجهة نظر

ب تمني نفسك بالوعود

وف كُل لحظه ب تنقَهَر

ب الوهم ب يشاور عليك

واهو عَندو فيك وجهة نظر

إنك قمئ ضد الحياه

وانك كئيب مليان ضَجر

لو شُفت طفل ب يتقتل

ح تقول أ كيد وجهة نظر

شرق أوسط مُش جديد

شرق أوسط مُش جديد

شرق أوسط من زمان

لما علقنا البنادق

لما صدقنا ال أمان ؟

واحنا بس اللي اتلهينا

وجُم ساقونا على الليمان

والليمان دا ف كُل حته

ألف مية مليون ليمان

يا و طن مصلوب فى سجنك

والجميع سلِم وهان

وابتدا ينضف جزمهُم

واتوكس ربا ف تيران

فهمونا حقيقه واحده

إننا لسا ف أمان

وان ورق اللعب كُلو

كُلو عند الأمريكان

واننا المحفوظ حُقوقهُم

والوطن لساه مُصان

طول ما سيدهُم راضي عنهُم

طول ما ب نطبل كمان

وفجأه فينا انفض دورهُم

وانكشفنا وكُلو بان

صرنا مُسخه وحلم باهت

داب فى عشق الإمريكان

منتظر يدوه حقوقو

يغرفوا ويدوه كمان

يسندوا الحلم اللي ودع

وارتضى بوعد الأمان

شرق اوسط فى الحواري

شرق أوسط ع البيبان

شرق أوسط فوق سريرك

يا اللي طبلت ل أمان

وانتا عارف إنو كاذب

أقنعك بيه الجبان

سلمك تسليم أهالي

قلعك وطاك كمان

ويلا واجه فيك مصيرك

يلا قوم سد البيبان

بس هُما فوق سريرك

والسرير مبلول مُهان

واللي قالك يوم تتطبل

مِنكِسِر راكع جبان

وطى واتمحك فى سيدو

واتخصى وأخد ال أمان

سابك انتا تشوف مصيرك

ترتعش تشرب كمان

شرق أوسط مُر جداً

ل اللي عندو العزم هان

صدق إن الوعد مُلزِم

لليهود والأمريكان

يجي يوم يدوه حقوقو

ويغرفوا ويدوه كمان

البوح

ب اسكُن فى الحُزن وحدي

واكتم من غير ما ابوح

وافضل اعلى ف حُصوني

وابنى كتير الصُروح

مهما تضيق الدواير

مهما تئن الجروح

مهما تزيد الغيامه

وتعاند يوم صَبوح

الصمت نصيبى منى

وأنيني وزُهد بوح

مهما ب تتطحني دُنيا

و تطلَع مني روح

مش قلة نُطق مني

ولا لطم كتير ونوح

لكن دا الطبع فيا

ما اتعلمتش أبوح

وَقَف ل الحراميه

يامنهوبه

يامسلوبه

ياموقوفه ل حراميه

يغور واحد

نقول هانت

فى لحظه بتولدي ميه

وملايينك

مساجينك

وأغلبهُم ب يوميه

ونُهابك بقوا احبابك

على بابك تمليه

وصاروا كُلهم باشا

ولاد عرة الافنديه

ولاد خاين

ولاد بايع

ولاد حتى اليهوديه

ولاد سارق

ولاد ناهب

ولاد عسكر حراميه

ولاد قاضى وباع دينو

ولاد ابن الموطيه

مشايخ دقن ع الفاضي

وفوق دينها معديه

ب توعظنا عشان نُصبُر

ك خُصيانهُم

ك خُدامهم

نصير ليهُم فواعليه

نسوا أصُولهُم وعايرونا

عشان ليكى التمرجيه

عشان زادك وزوادك

وعُشقالك بلا غيه

يامنهوبه

يامسلوبه

ياجنه ل الحراميه

تاريخ مزور

من بلاد كاتب تار يخها

طقم كُلو معرصين


Purchase this book or download sample versions for your ebook reader.
(Pages 1-9 show above.)