include_once("common_lab_header.php");
Excerpt for Mathada a Vhutshilo by , available in its entirety at Smashwords

MATHADA A VHUTSHILO

Copyright 2018 N.T. ṊEGUYUNI

Published N.T. ṊEGUYUNI by Smashwords




Smashwords Edition License Notes

This ebook is licensed for your personal enjoyment only. This ebook may not be re-sold or given away to other people. If you would like to share this book with another person, please purchase an additional copy for each recipient. If you’re reading this book and did not purchase it, or it was not purchased for your enjoyment only, then please return to Smashwords.com or your favorite retailer and purchase your own copy. Thank you for respecting the hard work of this author.



WritePublishRead

I am a WPR Author

http://viaafrika.com/writepublishread/


ZWI RE NGOMU

NDIVHUWO

THERO

TSIANGANE

1 SHAKA

2 WO ḒOLA VHUVHI

3 MME ANGA MUBEBA ENE NṊE

4 ṄWANANGA (WAU)

5 VHUTSHILO A SI NGELEKANYO

6 DZHANGO DZHOGO

7 HU ḒO AMBA NNYI?

8 KHUVHANGANYO VHUTSHILO HAGA

9 MUDZI WANGA

10 MBUMBO

11 NGOHO

12 MUTSILA

13 PFHURA—DZOFHA

14 NDA PFHHELA NṰHA

15 TSHIFHINGA

16 MUFUNWA WANGA 1

17 HAYA HANGA

18 MAMALO

19 MUFUNWA MUPHULISI

20 NDIFHEDZO YO TEAHO

21 (NI) ṰHOMPHO (E)

22 TSHIFHINGA TSHO DZIKAHO

23 MAḒI O DZIKAHO

24 PFHUNZO

25 NO NTSIA NDO GA

26 RI ḒO ṰANGANA

27 A SI NGOHO

28 MUṰHUPHEI

29 MUFUNWA II

30 NDO POFULA

31 FHULUFHELA PFHUNZO

32 NYOFHO DZO THATHABA

33 HUMBULA KHONANI

34 NGOSHA YA MUDZIO (WANGA)

35 TSHISIWANA (NA) VHUSIWANA (NI)

36 NYENDAVHUSIKU

37 MUGOBI

38 NDI HUMBELA TSETSHELA

39 NDI ḒO PFHHUKA

40 LUFU

41 A HU NA VHUṰUNGU

42 NGOHO

43 MULISA

44 NYAMBO

45 KHA RI TAMBE BUNE

46 NDO LAEDZWA

47 NDO SUṄWA TSHEDZA TSHAWE

ABOUT N.T ṊEGUYUNI

CONNECT WITH N.T ṊEGUYUNI

NDIVHUWO


Ndaa!


Ndi ngoho muṅwe na muṅwe u a amba. Ndi livhuwa Ramakole, Musiki na muṋe washu Ene Mudzimu. Ene o nkonisaho. Ndi dovha hafhu u livhuwa vhoṱhe vhe vha ita uri dzangalelo ḽa zwirendo ḽi vhonale. A tho koni u hangwa ene mufumakadzi wanga Nkhensani / Livhuwani we a vho bvelela musi mushumo u vho ya u ṱhaphuwani. Zwo ita uri ndi vhone vhutshilo nga iṅwe nḓila. Mukegulu ndi a vha livhuwa musadziwavhaṋe Vho Tshinakaho vhe vha ḓi amba uri a hu na ḽi no fa ḽi so ngo gonya luwa. Zwivhanana zwanga vho Khuliso, Vusani na Funanani zwo vha zwi siho. Vhadededzi vhanga vho shuma vhukuma.

THERO

Thero kha ino bugu dzo anda. Hone ndi nthihi fhedzi ine ya vha mudzi. Ro ṅwala bugu u itela uri ri bveledze lufuno nahone ri ḓiphiṋe ngalwo. Ngeletshedzo na ndayo ndi maipfhi a mufu, ha pfhukwi.

TSIANGANE

Nṋe ndi pfhi Nkelebeni, ṅwana wa musadzi-wa-vhane na munna-wa-vhane vho Tshinakaho na vho Tshifaro vha Guyuni. Ndo dzhena zwikolo ha Mashau kha ḽa Bodwe, phuraimari ya Tshivhaḓe na kha sekondari dza Ṅwariḓi na Mafanzhoni. Ndo swika na Yunivesithi ya Venda, Yunivesithi ya Afurika Tshipembe na ya Stellenbosch he nda wana hone digiri ya Masiṱasi (Ngudo dza Nyambo dza Afurika).


Mushumo uyu ndo u thomiw u bva kale ndi tshee mutshudeni Univesithi ya Venḓa, nga ṅwaha wa 1989. Zwo ṱuṱuwedzaho mushumo uyu ndi nge ḽiṅwe ḓuvha nda dzhenela muṱaṱisano wa zwirendo kha Radio Venḓa. Ndi he nda thuba pfhuvho nga tshirendo tshine tsha pfhi “Phila-Dzofha”. U bva afho nda mbo isa phanḓa na u ṅwala.


Dzangalelo ḽa vhurendi ḽo ṱuṱulwa hafhu na nga vhagudisi-makone vha ngaho vho Nemadzivhanani Khuliso. Wo vha u tshi nga zwi takalela. Vhanzhi vha a zwi ḓivha.


Hone ndo balelwa u kandisa na u anḓadza nga mulandu wa zwikundisi zwine nda tata u zwi bula, fhedzi tshiṅwe tshazwo ho vha u shaya nḓivho na hone vhushai ho ntsiaho ndo rano.


Kha mutevhe wa zwifhinga, ho vha hu na masamba kha ḽa hashu, u viya na zwiṅwe. Ho vha na u dzhiiwa ha mivhuso, ha vha na u dzhena ha muvhuso na u shanduka ha maitele a dzipfhhunzo na zwiṅwe-vho.


Musi ndo rano ndi nga amba zwinzhi nga ha u tambula musi muthu a si na thuso yo fhelelaho; u fana na thuso ya saikhoḽodzhi, na u aluwa hu si na lufuno, u shaya ṱhuṱhuwedzo kha vhukoni vhu vhonalaho. Fhedzi arali wa linga u sendela tsini na musiki zwi vha khwine. Khamusi u shanduka ha zwifhinga hu nga ḓisa tshanduko kha vhathu vha muno.


Ri ḓo amba musi ri tshi ṱangana.

1 SHAKA


Shaka ndi nnyi e si shaka,

Lutsinga luthihi lu sisimaho ḽithihi,

Ḽi kamisaho honohu vhuthihi,

Ho livhaho haya huthihi.


Shaka ndi mukupula mabiko ṅwando khofheni,

Wo medzwaho nga mukundi thandululo maseo.

Zwifhingani zwa khaṱhulo ya mapwali,

Ḽone ḽi ri ho gogoḓela, ri ende dzofha ḽanga-vho.


Shaka no balangana naḽo thovhela!

Nge u khurela vhudzulo na kundwa.

No laṱa ndavhidzano vhukuma,

Nge vhushaini na siiwa no ga.

Ni sia dzofha ḽo honyana

Nga u kundwa tshifhinga nungo phigulusa,

Na ralo ne; hu vuswa i ḓivusaho.

Hu hone u laṱa vhadzimu vhashu –vho.


No ralo na ima seli na ṱhama,

Nda sala vhupfha vhuḓi nga inwi ndo khwathekana.

Ḽi ḓe ḽi tshenele-vho na nṋe.

Sana ḽaḽo ri ḓe ri ore roṱhe.


Hu ḓo vha vhushaka-ḓe vhu suṅwaho

Nga ndozwo vhushai ho moḓaho,

Ha ḓo zuwa zwifhio?

Hu si pfharelo nzulisano.

Thetshelesa ṅwana wa Khotsi!

Ro sikwa roṱhe na zwoṱhe,

Kha ri tende u a si zwashu,

Tshashu ndi lufuno lwo ruḓelwaho maṱo.

2 WO ḒOLA VHUVHI


Hani wo ḓola vhuvhi,

Ngeno wo bebwa wo kuna?

Ndi nge wa shavhela kule na mupo.

Zwino tshika ndi ifa ḽau.

Nge wa ri u swika,

U kudzwe hau wo ga.

Iṱo ḽau ḽi pofudzwe,


Purchase this book or download sample versions for your ebook reader.
(Pages 1-6 show above.)